زغروته يامصر

زغروته يامصر

لشاعر الحياه
خالد أمين عارف


زغروته يامصر
أهو جبنا النصر
وجبنا معاه الحريه
بإيدين ثوار
ورجال أبطال
رافعين الرايه المصريه
زغروته يامصر
***
الظلم أهو راح
والشعب ارتاح
صور يازمان مصر بلدنا
الفجر أهو لاح
قيموا الأفراح
واكتب ياتاريخ اسم ولادنا
زغروته يامصر
***
أفرح ياشهيد
الليله دي عيد
وفّينا وأخدنا بتارك
بدا عهد جديد
والعزم شديد
ووراك هنكمل مشوارك
زغروته يامصر
***
هيّصوا ياشباب
زغرتوا يابنات
غنوا وقولوا دي ثورتنا
واكتبوا بحروف
النور كلمات
للعالم احكوا حكايتنا
زغروته يامصر
***
أرفع يامصري خلاص راسك
الظلم راح شِم انفاسك
وقول للدنيا بقينا ف نور
ردينا كرامتنا بإيدنا
ثورتنا صبحت يوم عيدنا
والبدر بات في سمانا يدور
زغروته يامصر
***
أفرح ياشعب
وقول ياشعب
للدنيا كلها واتكلم
المصراويه
إيدين قويه
الدنيا منها بتتعلم
زغروته يامصر
***