البستان منتدى أدبي تكنولوجي - منتدى شاعر الحياه خالد أمين عارف
أهلا بك عزيزي الزائر في منتدى البستان الأدبي - منتدى شاعر الحياه خالد أمين عارف يشرفنا انضمامك إلينا فلاتنسى التسجيل في المنتدى

البستان منتدى أدبي تكنولوجي - منتدى شاعر الحياه خالد أمين عارف

منتدى أدبي تكنولوجي شعر قصه مقال أدب ساخر كمبيوتر وتكنولوجيا بإشراف شاعر الحياه خالد أمين عارف
 
الرئيسيةمكتبة الصورس .و .جبحـثالمجموعاتالتسجيلدخولعوده للموقع
هام جدا لجميع الساده الزوار .... بعد التسجيل في المنتدى يرجى تفعيل حسابكم عن طريق رسالة التفعيل التي يرسلها المنتدى إلى بريدكم الإليكتروني .. في حالة عدم وصول رسالة التفعيل لأي سبب من الأسباب فسوف يتم تفعيل حسابكم تلقائيا خلال 24 ساعه من التسجيل

شاطر | 
 

 "يامصر هانت وبانت " قصيده راائعه لتميم البرغوثي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شاعر الحياه

avatar

عدد المساهمات : 115
تاريخ التسجيل : 01/01/2011

مُساهمةموضوع: "يامصر هانت وبانت " قصيده راائعه لتميم البرغوثي    الثلاثاء 01 مارس 2011, 8:54 pm

يامصر هانت وبانت
للشاعر تميم البرغوثي



يامصر هانت وبانت كلها كام يوم...
نهارنا نادي ونهار الندل مش باين
الدولة مفضلتش منها إلا حبة شوم..
لو مش مصدق تعالي علي الميدان عاين
ياناس مفيش حاكم إلا من خيال محكوم..
واللي هيقعد في بيته بعدها خاين
اللي هيعقد كأنه سلم الثانيين
لأمن وقاله هما ساكنين فين..
وصلت لضرب الرصاص علي الخلق في الميادين
حتى الجثث حجزوها اكمنهم خايفين..
يامصر أصبحنا أحياء وميتين مساجين
فاللي هيقعد في بيته يبقى مش مفهوم..
واللي هينزل الهي حارسه وصاين
يامصر هانت وبانت كلها كام يوم..
نهارنا نادي ونهار الندل مش باين.
نهارنا نادي وبأيدينا علي فكرة..
الصبح عنده فضول راح نعمل إية بكرة.
إيده علي الباب وخايف يلمس الأكرة..
ادخل ياأستاذ براحتك والبلد حرة.
إحنا زهقنا نشوف الصبح من برة..
ادخل وخرج بقايا العتمة من برة.
الناس ديه حرة وجنود الأمن مضطرة..
ياصبح طلعت روحنا لجن تيجي ياخي.
طالعين نجبيها أهوا فى كل حارة وحر..
حتى لو ضربونا بالرصاص الحي.
شوف الميادين كدة مفروشة خلق وضي..
دايما مفاجأة ودايما وقتها معلوم.
الحكم لينا وليك الحق يامداين..
يامصر هانت وبانت كلها كام يوم .
نهارنا نادي ونهار الندل مش باين..
ياصف عسكر بدل الدرع شيلوة اثنين.
25 يناير ياشباب فاكرين..
كان فيه انجليزووزير الداخلية تخين...
كان عنده برده عساكر زيكم جامدين.
سابهم يموتوا علولا لو سأل فيهم..
كانوا شبهكم اساميكم اساميهم.
ياعسكري البهوات اللي بتحميهم..
ممكن يردوا عليك لما تناديهم .
ياعسكري أنا أصلي بس بستغرب..
لو لاقي تأكل وتشرب قوم ياعم اضرب.
اضرب عشان الوزير من ضربتك يطرب..
لكن هتشتغل اية لما الوزير يهرب.
أما الشديد القوي القادر أبو القادر..
برميل تلامة نشر علي مصر من الآخر.
لو شفته معددة تكتب ادب ساخر..
ثابت يقول للهرم ياكابتن اتاخر.
ولم يزل معتقد ان الهرم هيقوم..
ادي الحجر والبشر قايمين ياسيدي القوم.
والدين هيترد ياللي عشت متداين..
يامصر هانت وبانت كلها كام يوم.
نهارنا نادي ونهار الندل مش باين..
ده حكم أسرة ولا خوفو ولا خفرع.
ولا وجع بطن يتعالج بزيت خروع..
عمل مسوكر بعيد عنك ولايطلع.
جربنا فيه كل شىء ملقينا شىء ينفع..
منفعش بالأدوية جربنا ألف طبيب..
ولا بعطارة شيوخ ليهم بلح وزبيب.
ولا بجحفل مغولى وضرب بالقباقيب..
عمل مسوكر وسفلي شغل تل أبيب.
وشغل أمريكا متغلف وختمة عليه..
ضيف زارنا ياعم من غير دعوة لابس بيه.
قاعد 30 سنة ومبيقولش قاعد لية..
والنية مديها لابنه النابغة بعديه.
ويقول قضا وقدر بين البشر محتوم..
قولناله طيب ومين قال للقدر معلوم.
واش عرفك يافخمتك بالذي كان..
يامصر هانت وبانت كلها كام يوم..
نهارنا نادي ونهار الندل مش باين.

_________________
الرجوع الى أعلى الصفحة اذهب الى الأسفل
 
"يامصر هانت وبانت " قصيده راائعه لتميم البرغوثي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البستان منتدى أدبي تكنولوجي - منتدى شاعر الحياه خالد أمين عارف :: الثــــــــــــــــورة حكاية شعب-
انتقل الى: