" محتاره ليه "

عدد المساهمات : 115 تاريخ التسجيل : 01/01/2011

"محتاره ليه" I love you

محتاره ليه وانا ليكي كتاب مفتوح
محتاره ليه في اشواقك لمين هتروح
الصدق في عيون البشر بيبان
والعشق لو في الحلال مسموح

***
سنين العمر بتطارد جميع الناس
واعمارنا بلا معنى إذا
خليت من الإحساس
وطول العمر بنصادف
قلوب قاسيه وقلوب تنباس
وناس تتحط في قلوبنا
وناس مالهاشي غير تنداس
وناس بتشيلنا في قلوبها
وقلوبها حتت من ماس

***
محتاره ليه
وعنيكي زايغه بين سؤال وسؤال
وشايفه ليه
الصدق اصبح في زمانّا مُحال
وليه في عنيكي شايف خوف
خساره الخوف يبان في جمال

***
محتاره ليه
دي الحسبه أبسط من كده
دا الطيبين للطيبات
وانتي طبعا طيبه
يبقى القلق من إيه
والفرحه بينا قُرَيـّبه

***
انا نفسي أقولك شئ
قربي وبصي ف عيوني
تلقي فيها كل شئ
ولّا راح تتكسفي طبعا
دا الخجل ده أحلى شئ
بس أقولك
إنتي فعلا فيكي شئ
فيكي شئ بيشدني
ويهزني
وان تهت مره يدلني
فيكي لشئ
مستغربه م اللي بقوله
ماتستغربيش من أي شئ
ماهو اللي يعرف واحده زيك
تبقى عنده أغلى شئ
وارجع وأقول
محتاره ليه
دي الحيره مش هتفيد في شئ

عدد المساهمات : 3 تاريخ التسجيل : 04/01/2011

جميله جدا جدا جدا حسيت بيها قوي بجد يامستر خالد وبالذات لما بتقول محتاره ليه
دي الحسبه أبسط من كده
دا الطيبين للطيبات
وانتي طبعا طيبه
يبقى القلق من إيه
والفرحه بينا قُرَيـّبه

lol!

عدد المساهمات : 3 تاريخ التسجيل : 10/01/2011

بداية القصيدة رائعة و متمىزة و معبرة يا استاذي المحترم / خالد
قصيدتك لاطفت اشواقى و داعبت فوادى و جذبت انتباهى عندما ذكرت و اوردت التالى:
بس أقولك
إنتي فعلا فيكي شئ
فيكي شئ بيشدني
ويهزني
وان تهت مره يدلني

مع تمنياتي لك التوفيق و النجاح

عدد المساهمات : 115 تاريخ التسجيل : 01/01/2011

شكرا ياساره وشكرا ياميدو على كلامكم الجميل واتمنى دوام مشاركتكم

عدد المساهمات : 3 تاريخ التسجيل : 17/01/2011

7lwa gedn gedn gedn!
I love you

عدد المساهمات : 115 تاريخ التسجيل : 01/01/2011

تسلمي يا دودو

» "محتاره ليه ؟" لشاعر الحياه خالد أمين عارف