[center]قال لى :ارحلى
بعد ما قال لى :اتفضلى
رحت قوام جبت قلبى
من هناك
بصيت لقيت قلبى انا مش معايا
اتاريه هناك
واقف قصاده فى سكات
ندهت له ورجعت له
وقلت له:تعالى
هو خلاص استغنى عنك
كفاية
صرخ وقال انا مااستاهلش
كل ده
قلت خلاص نصيبنا هو بقى كده
مقدرش يمشى ويسيب قلبه
للى اختارها
لحد ما انا طعنته بايدى
بكى وقال :كفاية طعنة حبيبى
قلت له:اصحا وياللا
نرحل من سكات
دا حبيبك لقى حنانه هناك
مبقاش محتاجلك تانى
لهواه
قلبى اقتنع خدته
ورحلت من هناك
واحنا ماشين قال لى :
بصى ننسى اللى فات
ما دام بقينا واقفين اهه
على رجلينا
هنعتبره احنا الاتنين
انه مات.
موضوع: حنانه هناك 24/1/2011 
الخميس 17 فبراير 2011, 6:32 pm
