شاعر الحياه
عدد المساهمات : 115
تاريخ التسجيل : 01/01/2011
 |  موضوع: مابينا حاجه  السبت 01 يناير 2011, 9:48 pm | |
| مابينا حاجه
لشاعر الحياه خالد أمين عارف
انا كنت بعشق فيكي حاجه
لأ ...... كل حاجه
انا كنت بعشق فيكي إسمك
ويّا رسمك
ويّا همسة ضحكتك
أنا كنت بعشق دنيتك
وحتى لما بتزعلى ...
أنا كنت بعشق دمعتك
أنا كنت بعشق لحن صوتك
كنت بعشق صوت سكوتك
انا كنت بعشق التراب اللي تدوسه خطوتك
انا كنت بعشق سكتك
انا كنت بعشق فيكي حاجه
لأ ...... كل حاجه
انا كنت بعشق فيكي طيفك
كنت بعشق لون عبيرك في ربيعك
كنت بعشق ريح عواصفك في خريفك
ولما كنت أحس إني عنيّا مشتاقه
كنت أجري بسرعه انام
لأجل ما ف حلمي أشوفك
وف ليله من ذات الليالي اشتقتلك
وندهتلك
وماسمعتيش
غمضت عيني ورحتلك
ومالقيتكيش
واحترت انا بين صحوي ومنامي
خلفى وامامي
ولوعتي ساعة غرامي
وعرفت بعدها إنك .....
طاوعتي ظنك
ودبحتي طير الشوق على جبل الخيانه
والشوق مابينا كان أمانه
وعرفت وقتها إنه ضاعت
مابينا حاجه
لأ .... كل حاجه
عدل سابقا من قبل شاعر الحياه في الأربعاء 26 يناير 2011, 6:11 pm عدل 1 مرات | |
|
saratalaat
عدد المساهمات : 3
تاريخ التسجيل : 04/01/2011
| | موضوع: رد: مابينا حاجه الثلاثاء 04 يناير 2011, 3:36 pm | |
| وف ليله من ذات الليالي اشتقتلك وندهتلك وماسمعتيش غمضت عيني ورحتلك ومالقيتكيش واحترت انا بين صحوي ومنامي خلفى وامامي ولوعتي ساعة غرامي وعرفت بعدها إنك ..... طاوعتي ظنك ودبحتي طير الشوق على جبل الخيانه والشوق مابينا كان أمانه وعرفت وقتها إنه ضاعت روعه بجد واجمل من روعه  | |
|
