لا للفتنة الطائفية

أنا أول امبارح نزلت السوق أشترى حاجة
فجأة مالقتش أى حاجة
فين الناس .. فين البشر .. فين الحاجة
الدنيا هدوء وسكون
جريت زى المجنون
وقعدت أصرخ وأصرخ وأصرخ
وأقول ايه اللى حصل يابنى آدمين
يامسلمين ...... ويامسيحيين
بيقولوا دى فتنة بينهم
واوعى تقرب منهم
أنا مش فاهم حاجة
حد يقولى ياناس
فين الأخوة ... فين الصحبة ... فين الإحساس
كلنا بنعبد رب كريم
هو الله الرحمن الرحيم
مسلم ... مسيحى ... يهودى
كلنا أخوة مش أعداء
ليه ينتشر بينا الداء
ضرب وقتل ونار ودمار
ضحايا وجرحى وستار وحصار
قالوا هنعمل حظر تجوال
وهنقعد الناس فى بيوتها
قلت فى مصلحة مين ده ياربى
الناس ما تنزلش تسعى على قوتها
فوقوا واصحوا ياعباد الله
واوعوا حد يضحك عليكم
اتحدوا واتماسكوا واترابطوا
عمر ما حد هيقدر عليكم
فى 9/5/2011

عدد المساهمات : 115 تاريخ التسجيل : 01/01/2011

ايه الجمال ده يا امير الرومانسيه
المنتدى مفتقدك منذ فتره