جبهة عرّه وجبهة عار

جبهه عِرّه وجبهه عار

شاعر الحياه خالد أمين عارف


غربان ودايره ع البيبان
تنهش عقول الناس
تنشر سموم
ومعاها بوم
عامله الفضيله لباس

عامله م الوطنيه توب
بس جوه التوب كلاب
عامله جبهه للخراب
توبها زايف راح يدوب
ضيعوا أرواح شباب

جبهه أهدافها النداله
والخراب ويّا الدمار
ناسها أوسخ م الزباله
جبهه عِرّه وجبهه عار

قال أساتذه في السياسه
وفيها ناس أصحاب عقول
والحقيقه دي نجاسه
أو سويقه للنخاسه
فيها تجار الفلول

فيها واحد نفسه يبقى
لو لساعه بس ريّس
واللي عايز يمحي عاره
م الفلول يبقى كويس
واللي قاعد فوق تويتر
بالتويت عمال يهيّس
واللي فاتح حزبه ليهم
ع القفا عمال يحسس

واللي سامح واللي غار
واللي هربان واللي طار
واللي مخه كالحمار
يفرحوا لو تبقى ضلمه
يفرحوا لو تبقى نار

بس نسيوا ان البلد دي
ذكرها ف كُتُب الإله
ذكرها ف قرآن مجيد
مهما تسعوا يا عبيد
دمكم شارب خيانه
مهما تسعوا في المهانه
ربنا حافظ بلدنا
ربنا يحفظ دمانا

يا ديول للغرب لاكن
الوطن غالي وثمين
مهما تتسموا بأسامي
مهما تجتمعوا ف أماكن
جبهه زفت وناسها طين